BESFORT VIDEO M1
Welcome
Login

Most Popular Articles


  • Telenovela Dafina Zeqiri Duffy /Gazeta Tribuna/

    "Telenovela Duffy"

     Videoja përmes së cilës këngëtarja Dafina Zeqiri ka ofenduar Tunën duket se ka shokuar fansat e këngëtareve. Por, publikuesi i kësaj videoje, Besfort Hasanaj, ka treguar për Tribuna arsyen e publikimit të këtij video-incizimi i cili paraqet këngëtaren në një dimension tjetër...

     Shumë e dashur nga publiku, këngëtarja Dafina Zeqiri ka dalë të mos jetë ajo që paraqitet në ekranet e vogla televizive. Vajza e çiltër dhe me një stil urban siç duket nuk di të kursehet nga fjalët e ulëta dhe ofendimet drejtuar kolegeve të saj ku pa modesti veten e quan të ‘famshme’. Ofendimet drejtuar kolegeve si dhe ‘pafajësia’ për të cilën këngëtarja pandeh ta ketë, janë publikuar  mesditën e së martës përmes një  audio-incizimi, të cilin e ka sjell përpara publikut Besfort Hasanaj i njohur përmes produksionit ‘Besfort video M1’. “Nuk e di a keni përcjellë telenovelën ‘To night’ kur është fshirë ky videoklip. Gjithçka nga aty ka filluar”, ka theksuar fillimisht Hasanaj për Tribuna, i cili ka theksuar se ishte bashkëpunëtor i këngëtares në fjalë që nga fillimet e saj artistike. 

    Besfort Hasanaj: Çekiqi më prishi me Dafinën
    Hasanaj ka treguar edhe momentin kur kishte prishur raportet me Duffyn, ndërsa ka akuzuar  Damir Jahic Çekiq, si aktorin kryesor për prishjen e marrëdhënieve të bashkëpunimit me këngëtaren.  “Dafina filloi bashkëpunimin me Çekiq dhe  ‘On Air’ dhe ata e prishën prej meje. Tani shtrohet pyetja pse?  Sepse të gjithë e dimë që Dafina e ka Çekiqin dashnor që nga Suedia. Në momentin kur Çekiq ka filluar t’i fusë hundët në ‘Youtube’ dhe ka filluar të punojë me kompaninë ‘On Air’ e ka bërë Dafinën të prishë bashkëpunimin me mua”, ka rrëfyer më tej Besforti.

    E si shkak kryesor i publikimit të videos sipas Hasanaj është keqpërdorimi i Dafinës dhe mohimi i së vërtetës nga ana e këngëtares. “Tragjedia më e madhe për mua ka qenë kur në një emision të RTV 21, Dafina gënjen moderatorin i cili e pyet pse e ka prish kontratën me mua, duke i thënë që nuk kemi pas bashkëpunim. Ky është moment kyç pse ka dalë kjo video. Ajo mua më ka dëmtuar paralel gjatë këtyre muajve edhe me procese gjyqësore për videon ‘To night’  dhe rreth disa klipeve që na i ka fshirë ‘On Air’. Vetë Dafina më pas e ka autorizuar ‘On Air’ që të mund të ngre akt-padi kundër meje dhe kështu është dashur të kaloj nëpër katër seanca dhe të dëmtohem edhe materialisht. Unë i harrova dëmet material të saj dhe nuk bëra gjë, por kur e pash që ajo po vazhdon të gënjejë që nuk ka pasur kontratë me mua, atëherë ja qita edhe fazat kur ajo më ka përshëndetur dhe ku qartë po bie në kontradiktë me vetveten”, ka nënvizuar Besforti. Ndonëse Hasanaj thekson që ka tentuar të bisedojë me Dafinën për një marrëveshje njerëzore, sipas tij kjo e fundit nuk ka dashur t’ia dijë për këtë gjë. “Unë kam tentuar të bisedojë me Dafinën po ajo nuk ka dashur”.

     Tuna e Duffy heshtin

     Meqenëse në videon e publikuar nuk mund të dëgjohet se me kënd bashkëbisedon Dafina, përmes këtij audio-incizimi këngëtarja dëgjohet qartë duke ‘sharë’ kolegen e saj Tunën, dhe disa këngëtare tjera të estradës. "Se unë kam ni kohëve të fundit, më falni në shprehje, se Tuna kish hëngër goxha shumë m*** për mu", ka thënë mes tjerash ajo për Altuna Sejdiun, duke vazhduar

    “Unë e kam pas idenë për këngën dhe në fund ata kompozitorët e kanë marrë idenë teme. Kemi pas probleme të shumta dhe ajo shumë është një femër dyfytyrëshe”. Ndonëse Tribuna është munduar të kontaktojë fillimisht Zeqirin, e më pas edhe Tunën, asnjëra nga to nuk ka ndarë kohë të flas, e para duke mbyllur telefonin, ndërsa e dyta duke mos hapur atë, përkundër insistimit tonë.

    Por, duket se video të ngjashme të cilat sipas publikuesit të tyre, nuk janë incizuar nga ai, por nga një person tjetër, do të ketë prapë. “Nuk mund të tregoj se nga i kam marrë këto incizime dhe me kënd ajo i ka bërë këto biseda. Zëri im aty nuk dëgjohet dhe nuk kam dëshirë të tregoj me emra. Kam edhe shumë materiale tjera, janë edhe disa biseda tjera. Ka edhe prej atyre familjare, por nuk dua t’i zbuloj tani. E gjitha varet se si do të shkojë procesi  më tej”, ka thënë Hasanaj i cili ka shtuar për fund që shumë pak emra të estradës sonë i janë mirënjohës dhe miq të vërtet. “Ka shumë pak emra që janë mirënjohës. Nuk do të doja t’i cekë me emra pasi që as atyre nuk u besohet. Mirëpo kur është në pyetje leku ata as nënën e tyre nuk e njohin e jo më shok e miq”.

     Çekiq: Dafinën e dua si motër!

     Për të zbuluar fillimin e këtij konflikti, nëse vërtet Çekiq ishte aktori kryesor i këtij konflikti, ky i fundit është kontaktuar nga gazeta, ndërsa ka mohuar një lidhje dashurie ndërmjet këngëtares e gjithashtu ka pohuar se ai nuk është shkaktar për mosmarrëveshjet ndërmjet Duffy-t dhe Hasanajt. “Unë me Dafinën nuk kam lidhje emocionale, përveç asaj që e dua si motër. E sa i përket mosmarrëveshjes mes Dafinës dhe Besforitit ajo nuk ka të bëjë aspak me mua. Nuk jam fajtor as unë e as  ‘On Air’. Nuk kemi bërë asgjë të keqe e as nuk kemi pasur qëllime të këqija. Nuk e di pse është ende kjo temë aktuale. Kjo është diçka e kaluar. Mendoj që kemi të gjithë punë më të mençura se sa të diskutojmë për gjëra të kaluara”, ka theksuar prerë Çekiq.

     /Nita Brisku Gazeta Tribuna/  Video e plote Dafina Pronto


    Dafina Pronto pergjimet - Per Zogun, Mediumet... von RTKSAT

     

     

    Read more »
  • Besfort Hasanaj: E verteta e pergjimeve te Dafina Zeqirit (Gazeta Game Over)

    Artikulli ne gazeten "GAME OVER" 20.09.2013 SKANDALI

    Besfort Hasanaj:  E verteta e pergjimeve te Dafina Zeqirit


    Eshte nje nder emrat me te lakuar te diteve te fundit, nga mediat, publiku, por edhe artistet... Arsyeja ?! 
    Publikimi i disa bisedave telefonike te regjistruara te kengetares Dafina Zeqiri, e cila tregonte pa dorashka mendimin per koleget e saj dhe maredheniet qe ka me gjithesecilen.
    Konflikti me Dafinen eshte i hershem, ndersa ditet e fundit pergjimet e publikuara perbene nje skandal, qe terhoqi vemendjen e te gjitheve. Protagonistet te kesaj historie dhe "zhurme" mediatike sigurishte qe ishte kengetarja nga Kosova Dafina Zeqiri, por edhe ish-promovuesi i saj Besfort Hasanaj.
    Por cila eshte e verteta e konfliktit te Besfortit me kengetaren e njohur, apo edhe pergjimeve tjera, per te cilat eshte thene se do te publikohen shume shpejte ?
    Besforti na sqaron ne ket interviste, mdersa na rrefen edhe konfliktet me kengetare te tjere shqiptar, si Vesa Luma, Flori Mumajesi, Bleona Qereti etj. 

    Besfort, ditët e fundit emri juaj është lakuar shumë në media, për shkak të një konflikti që keni me Dafina Zeqirin. E nisim nga fillimi, cila ka qenë kontrata juaj me këngëtaren dhe kur është prishur ajo? 
    T’ju sqaroj juve dhe opinionit, të tre kontratat që kemi pasur me Dafina Zeqirin kanë qenë kontrata vetëm sa për t’i mbrojtur videot e saj në YouTube nga dy manipuluesit e njohur, siç janë Acromax (ex Easycom) dhe OnAir.FM (ex OnAirMusic). E njëjta gjë është bërë edhe me artistët e tjerë për të njëjtin qëllim. Në krahasim me këngëtaret e tjera, ne vetëm me Dafinën kemi modifikuar kontratat, për tu mbrojtur në raste të piraterisë nga ana e dy firmave të lartëpërmendura, të cilat me komercializimin e YouTube kanë vjedhur dhe kanë përvetësuar punën e veprave intelektuale të artistëve, kompozitorëve, etj. Ata, fal piraterisë së tyre, duke shfrytëzuar Tools-in, i cili quhet “Content-ID” në YouTube, të cilin vetëm ata të dy e kanë në posedim nga shqiptarët edhe janë bërë milionerë, nga viti 2010. Marrëdhëniet e mia me Dafinën janë prishur me angazhimin e menaxherit të saj boshnjak Çekiç, i cili ishte mik e bashkëpunëtor i djemve të kompanisë OnAirMusic, ku edhe problemi filloj me klipin "Tonight" në muajin korrik 2012. Nga ai moment, ne nuk kemi kontakte me Dafinën, pasi ajo vendosi të zgjedhë mes meje dhe Çekiç, zgjodhi boshnjakun, të cilin ne të afërmit e saj e dimë që e ka dashnor që nga Suedia dhe i cili po ashtu është kompozitor i shumë këngëve të Dafinës, të cilat ia realizon pa pagesa. Duhet të veçoj se zyrtarisht nuk kemi prishje të kontratave të mëparshme me shkrim, mes Besfort Video M1 e Dafinës. Kemi dëgjuar se Dafina ka bërë kontratë me OnAir.FM në janar të 2013, domethënë pa anuluar fare kontratat që kishte me ne.

    Cilat kanë qenë marrëdhëniet tuaja personale me Dafinën? 
    Dafinën e kam ndihmuar sikur të ishte vajza ime. Edhe ajo mua më konsideronte si babanë e saj, deri në momentin kur në lojë për videot në YouTube hyri boshnjaku Çekiç dhe OnAir.FM.

    Si nisi konflikti? Për çfarë arsyesh arritët deri këtu? 
    E përmenda edhe më lartë, se arsyeja e prishjes së marrëdhënieve mes nesh ishte komercializmi i këngëve të saj nga ana e menaxherit Çekiç në YouTube, iTunes e Amazon. Me përfitimet nga shitja e këngëve të Dafinës në iTunes, Amazon dhe nga përfitimet e klikimeve në YouTube, menaxherit të saj Çekiç, iu dha mundësia ideale e përfitimeve materiale dhe përpiloi planin sesi do ta ndaj Dafinën prej meje, në mënyrë që ai pastaj të kishte kontrollin e financave. Disa javë para se të ndërprisnim marrëdhëniet me Dafinën, unë diktova synimet e tij, kuptova se ai ka filluar bashkëpunimin në fshehtësi me kompaninë OnAir.FM. Unë i tregova Dafinës, por ajo si naive i besoi Çekiçit. E paralajmërova Dafinën, por më kot. Çekiçi me ndihmën e OnAir.FM fillimisht Hackuan kanalin e Dafinës në YouTube, ku e fshinë menjëherë videon "Tonight", duke ma hedhur mua fajin. Dafinës i leverdisi ky truk i Çekiçit për të gjetur arsyen e prishet prej meje dhe të vazhdojë me Çekiçin. Rrjedhën e komunikimit dhe si ka ndodhur ngjarja e kemi ilustruar me fakte në muajin gusht 2012, në kët link: 
    http://telenovelashqip.blogspot.de/2012/08/telenovela-tonight-dafina-cekic-vs-m1.html

    Këto ditë keni publikuar disa përgjime, ku Dafina fyen koleget e saj. Të çfarë periudhe i përkasin ato përgjime dhe pse i publikuat pikërisht tani? 
    Nuk është e vërtet që ne i kemi publikuar ato video skandaloze, intervistë, apo përgjime siç e quani ju. Ajo video është publikuar së pari në YouTube nga dikush me emrin "Estrada-Wikileaks" (prezantohen si fansa të mëdhenj të M1-shit), pastaj ajo video është kopjuar nga YouTube dhe është hedhur në web faqen www.m1.besfort.tv, e cili administrohet nga disa djem. Ne ndër të parët e kemi bërë "Share" atë video në profil tonë në Facebook dhe një gazetar i “Express”-it sapo e ka parë videon menjëherë ka publikuar artikullin, duke thënë se Besforti ka publikuar videon dhe pastaj ai lajm ka vërshuar nëpër portalet mbarëshqiptare.


    Për të gjithë ata që nuk kanë arritur të shohin videon në kanalin tuaj Besfort M1, mund të na tregoni disa nga komentet më pikante që Dafina ka bërë për koleget e saj? 
    Më befason fakti se si mediat i japin aq shumë rëndësi se çfarë ka thënë Dafina për koleget e saj, apo për mediat, e në fakt asnjë media nuk ka përmendur faktet në atë video, ku argumentohet tradhtia kontraktuale e Dafinës ndaj Besfort Video M1, e po ashtu mashtrimet që ajo bën në intervistën e dhënë në RTV21, ku gënjen moderatorin e opinionin, se nuk ka pasur asnjë kontratë me Besfort Video M1!? Si mund të gënjejë publikisht një këngëtare rreth promotorit të saj, apo të tradhtoj babin, siç ajo e konsideronte? Opinioni mbarëshqiptarë e ka ditur se nga dita e parë e karrierës të Dafinës në vitin 2007, "Besfort Video M1" ka promovuar këngët e saj pandërprere, çdo performancë të saj, qoftë në intervista në TV, koncerte, festivale, po ashtu në miliona komente të postuara nëpër videot e saj, duke i pastruar nga komentet negative. Me një fjalë, stafi ynë është kujdesur ditë e natë për vite me radhë, vetëm e vetëm që ta bëj të famshme Dafinën, duke u bazuar në marrëdhëniet familjare dhe shoqërore me familjen e saj, e gjithë këtë shërbim stafi ynë e ka bërë në baza vullnetare, pa përfituar asnjë qindarkë. Me paraqitjen e dy firmave abuzuese, si Acromax e OnairFM në Youtube, për qëllimet e tyre fitimprurëse kanë filluar edhe keqinformimet se Besforti po fiton nga artistët në YouTube, megjithëse siç ju thashë, ju betohem që kurrë nuk kam fituar asnjë qindarkë nga promovimet e videove të artistëve, e as nga videot e Dafinës. Ata që më njohin nga afër e dinë mirë që këtë punë unë e bëj nga pasioni dhe e kemi si ushqim shpirtëror.

    Menjëherë pas publikimit të përgjimeve që ju i keni bërë, Dafina ka reaguar duke thënë se avokati i saj do të fillojë procedurat ligjore kundër jush. Është ngritur deri tani padia?
    Nuk është e vërtet që Dafina ka përmendur emrin tim. Nëse e keni dëgjuar me vëmendje, deklaratat e avokatit zyrtar të Dafinës, z. Arianit Koçin dhe avokatin tjetër z.Tome Gashi në televizionin KTV (emisioni Express) dhe Klan Kosova (Emisioni Prive), ata kanë deklaruar se do ngrenë aktpadi kundër personit të panjohur, i cili ka publikuar ato përgjime pa autorizim, si dhe do ngrenë aktpadi ndaj publikuesit të materialeve! Sa për sqarim, Dafina Zeqiri kishte angazhuar avokatin Arianit Koçi, kurse në emisionin e Klan Kosovës "Prive" ishte paraqitur me deklaratë/intervistë edhe një avokat tjetër i njohur në Kosovë, me emrin Tome Gashi, të cilin fansat e Dafinës e njohin si babai i një të dashuri të Dafinës, me emrin Albin Gashi. Duhet theksuar se këto dy emisionet e dy televizioneve Kosovare, siç janë KTV dhe Klan Kosova, kanalet e tyre në YouTube menaxhohen nga kompania abuzuese OnAir.FM, të cilët janë konkurrentët tanë. Një fakt shumë me rëndësi për opinion, në Kosovë janë vetëm këto dy televizione, të cilat bëjnë histori rreth ShowBizit, ku autorët e emisioneve të lartpërmendura financohen nga OnAir.FM. Besoj se tani e keni të qartë përmbajtjen e atyre dy emisioneve dhe politikën redaktuese të ShowBizit!

    Video skandaloze e Dafina Zeqirit

    Dafina Zeqiri - Pronto Estrada Shqiptare Tuna po han mut exkluzive Video



    Ndjeheni i kërcënuar? 
    Pas daljes në opinion të asaj videoje, neve na kanë ardhur shumë telefonata kërcënuese nga miqtë e Dafinës dhe nga disa fansa...

    Pse e denigruat konfliktin me Dafina Zeqirin deri në ofendime personale, në lidhje me moralin? 
    Nuk e di nga e keni marrë këtë informacion, por fakt është se Leku (Dollart $) e lidhja e dashurisë së Dafinës me Çekiçin janë arsyet kryesore përse ajo ka vepruar në atë mënyrë, duke tradhtuar personin më të afërt, i cili ka sakrifikuar shumë artistë të tjerë të mëdhenj për një Dafina Zeqiri.

    Besfort, konflikti me Dafinën nuk është i pari dhe i vetmi për ju. Më herët keni pasur konflikte edhe me këngëtare të tjera, si Bleona Qereti. Shumë ju kanë akuzuar si shantazhues, por e vërteta si është? Pse keni kaq shumë konflikte me këngëtaret? 
    Slogani kryesor i dy konkurrentëve tanë në YouTube është, "Besforti ka konflikte me të gjithë artistët". Të njëjtin slogan e përdorin edhe këngëtaret me të cilat kemi pasur konflikte. Ju lutemi, analizoni rastet veç e veç dhe do shihni se si ato këngëtare, me të cilat kemi pasur konflikte janë viktimat e promotorëve abuzues të YouTube, të cilët i kanë viktimizuar artistët duke shfrytëzuar naivitetin dhe mosdijen e tyre rreth funksionimit të YouTube. Po i përmend viktimat më radhë, Bleona Qereti, Vesa Luma, Flor Mumajesi, Dafina Zeqiri dhe së fundi Thumbistet e “NitroShqip”. Viktimat e firmës Acromax janë, Bleona Qereti e Vesa Luma, të cilat duke mos ditur si funksionon YouTube na kanë fshirë nga një video të tyre në kanalin tonë pa paralajmërim, megjithëse kemi pasur marrëveshje për publikim. Po ashtu, viktimë e Acromax-it është edhe Flori Mumajasi, i cili është bashkëpunëtor i Aldor Ninit nga Acromax dhe pa paralajmërim na ka fshirë dy video të Argjentina Ramosajt, edhe pse kemi pasur kontratë me Argjentinën! Viktima e fundit e Acromax janë Thumbistet e kanalit “NITROShqip”, më saktë “Sara Show”, e cila me fjalë të Aldor Ninit dhe Flor Mumajasit na ka vjedhur një video dhe e ka postuar në kanalin e tyre, na kanë ofenduar dhe në fund ne u kemi fshirë videon nga YouTube dhe i kemi paditur në gjyq për Copyright, për ofendim dhe për përfitime në mënyrë të paligjshme. Dy seancat gjyqësore kundër Acromax e “NITROShqip”, në gjykatën e Kelnit i kemi fituar dhe ata janë dënuar me gjobë 250.000 euro, me kusht nëse e përsërisin edhe njëherë piraterinë kundër nesh. Viktima e fundit, Dafina Zeqiri është viktimë e OnAirMusic dhe Çekiç, po ashtu arsyeja, video në YouTube. Tragjedia më e madhe në këto histori është se as vet këngëtarët e lartëpërmendur nuk e kuptojnë termin "Copyright" dhe sistemin si funksionon YouTube. Do i pyes ato këngëtaret viktima, çfarë kanë fituar më mënyrën e fshirjes së videove të mia? A kanë fituar para nga Acromax? Jo! Pak kush e di se në të vërtetë, të gjitha ato këngëtare, të cilat janë viktima të atyre abuzuesve janë tradhtuar më vonë, si Vesa Luma, pasi na tradhtoj neve në vitin 2011 për Acromax më vonë u tradhtua edhe nga Acromax, e tani ka kaluar tek OnAirMusic. Është i njohur rasti i motrave Koçi më herët, të cilat janë tradhtuar nga Acromax, pastaj rasti i Rovena Stefës, e cila po ashtu u tradhtua nga Acromax. Janë edhe disa këngëtarë, të cilët janë tradhtuar nga OnAir.FM dhe kanë kaluar pastaj tek Acromax... Me një fjalë artistët shqiptarë janë shumë naivë dhe shumica e tyre nuk kanë as njohuri elementare se çfarë është e drejta e autorit. Ata as që e dinë si funksionon YouTube dhe besojnë tek mashtruesit, të cilët ju premtojnë shumë klikime, klikime të cilat i blejnë me para, sa për t’iu bërë qejfin këngëtarëve, e pastaj edhe normal se nuk ju paguajnë paratë e fituara. Kjo temë është e gjerë dhe e komplikuar për ta sqaruar në intervistë.

    Keni lajmëruar se së shpejti do të publikoni edhe përgjime të tjera. Mund të na tregoni diçka më shumë mbi këtë, kush është protagonist i atyre përgjimeve dhe cilët emra përmenden në to? 
    Ne personalisht nuk kemi paralajmëruar asgjë, por ato paralajmërime i ka shkruar publikuesi me emrin "Estrada-Wikileaks", të cilët përmes telefonit na kanë argumentuar se kanë incizime të tjera, duke na lëshuar disa sekuenca të bisedave me shumë artistë të njohur shqiptarë. Nëse ata i publikojnë në Youtube, normalisht që edhe ne ato video do i shpërndajmë "Share" në rrjetet sociale, siç i bëjnë edhe të tjerët. Se cili është ai ekip me emrin "Estrada-Wikileaks" dhe nga i posedojnë ato biseda, ne nuk kemi asnjë ide.

    /Rudina Alizoti "Game Over"/

    Revista Gam Over 20.09.2013

    Read more »
  • Dafina per Tunen: Ka hanger shume mut !

    Video exkluzive "Dafina Zeqiri Pronto Estrada" tregon fetyrene vertet te Dafines!

    Dafina Zeqiri është krejt ndryshe në biseda privat nga ato publike.
    Ajo nuk kursen edhe fjalët fyese ndaj kolegeve të saj me të cilat ka bashkëpunuar dhe realizuar spote muzikore.
    Kështu, në një bisedë private, e cila është bërë publike, Dafina Zeqiri rrëfehet për raportet e saj me këngëtarët e estradës, përkatësisht me Tunën.
    "Se unë kam ni kohëve të fundit, më falni në shprehje, se Tuna kish hëngër goxha shumë mut për mu", ka thënë Daffy për Altuna Sejdiun. 
    “Unë e kam pas idenë për këngën dhe në fund ata kompozitorët e kanë marrë idenë teme. Kemi pas probleme të shumta dhe ajo shumë është një femër dyfytyrëshe”, ka thënë Dafina për Tunën.
    Tutje në këtë incizim thotë se ajo ka vuajtur shumë gjatë incizimit të këngës me Tunën dhe se ka hequr të zitë e ullirit nga ajo, përderisa ka thënë se me të vetmin njeri që flet shlirë për të është këngëtarja dhe modelja Afërdita Dreshaj.
    Dafina, që pa modesti në këto biseda e quan vetën të “famshme” thotë se ajo nuk jep më intervista për gazeta pa i jep para, edhe pse ishin këto gazeta dhe media që i jepen famë Dafinës që në fillim të karrierës së saj.
    “Tash nëpër gazeta nuk dal sepse ju thashë po i shitni gazetat për tri euro ose dy euro dhe ju po fitoni sepse fytyra e ime është në faqe të parë”. 
    Dafina mandej a tregon se si Blero dhe Teuta Krasniqi i kanë shitur fotot një reviste për ballinën e saj dhe se asaj i ka treguar një shoqe gazetare që revista ka jep para për to.
    Ajo e ka përmendur edhe rastin kur kishte marrë 1000 euro për të kënduar në një finale basketbolli, pasi që kishte kënduar tri këngë aty.
    Dafina ka kritikuar edhe Videofestin muzikorë ku ka thënë se çmimet aty merren me të njofshëm.
    “Unë me pas ditë kurrë nuk isha kthye prej Amerikës me pas ditë që nuk me japin pare ose najsend, pra nuk me kanë jep. Pra, nuk kam fitu asgjë, i kam hup dy tre koncerte, kam humb pare, kam bo udhëtim dhe kam humbur gjithë ato gjëra dhe në fund nuk kam fituar asgjë”.
    Ajo ka kritikuar edhe televizionin Koha Vision ku ka thënë se është ftuar për të kënduar “live” në këtë televizion me orkestër dhe krejt këtë e ka bërë për shoqëri, por ata nuk i kanë japur para.
    Daffy ka qenë kritike edhe ndaj Zanfina Ismajlit dhe disa këngëtarë të tjerë. “Unë përpara kam fol me krejt dhe tani e kam zgjedhur shoqërinë time sepse përpara unë budalla folsha me krejt”.
    Këngëtarja ka folur edhe për këngëtarë të tjerë të estradës dhe gazetarë e të cilat mund ti shikoni në videon më poshtë.

     

    Video e Dafines  " Pronto Estrada"

     
    Dafina Pronto pergjimet - Per Zogun, Mediumet... von RTKSAT

     

     

     

    Read more »
  • Artistet shqiptar duhet ta padisin platformen "Arkivashqip" ne YouTube!

    Artistet shqiptar duhet ta padisin platformen "Arkivashqip" ne YouTube!

    Skandalet e shumta viteve te fundit me videot e artisteve shqiptar ne platformen e rrjetit social "You Tube" pothuaj se nuk ju ben pershtypje fare, as Artisteve, as mediumeve, as publikut, as zyres per te drejtat autoriale, as Task forces, as shoqatave te cilat jane te licencuara nga qeveria per drejtat e autorit, e as publikut.

    Rasti i fundit i mbylljes te kanalit "Arkivashqip" ne YouTube ishte teme diskutimi neper portallet e ndryshme neper rrjetet sociale, ku shumica e fansave e besa edhe emrave te njohur te artisteve shqiptar diskutonin kot pa pasur aspak njohuri, pse u mbylle kanali Arkivashqip, pse nuk hapen videot e preferuara te tyre, ku qendron arsyeja?

    Nje pjese e madhe e fansave e sulmonin Flori Mumajesin, (pa arsye!), nje pjese tjeter te cilet kishin njohuri sado pak rreth te drejtave autoriale e mbronin Flori Mumajesin...

    Kush eshte fajtori kryesore? Natyrisht se fajtor jane vet artistet !

    Shumica do pyetnin pse artistet ?

    Ju skjarojme shkurt perse artistet jane fajtor,  ne rend te pare te ju informojme se ne YouTube cdo kengetar apo artiste i menqur posedon kanalin e vet personal i njohur si “Official Kanal” !

    Edhe ne mesin e artisteve shqiptar ka te menqur te cilet me kohe kan hapur „Official kanale“ te tyre, ose u kane hapur promotoret e tyre...

    Por nje nga promotoret (mos te themi mashtruesit) firma "Acromax" ka hapur disa kanale ne YouTube te kengetarve te ndryshem dhe extra kanalin e tij personal me emrin "Arkivashqip".

    Aty ne at kanal „Arkivashqip“ ka shume video te cilat i ka futur pa poseduar te drejtat autoriale! Shumicen e videove te artisteve ne kanalin e tij i ka postue duke i marr te drejtat autoriale permes paleve te treta siq jane produksionet, pa i pyetur fare kengetaret apo kompozitoret apo tekstshkruasit!!! (shumica e kengtareve ashtu keshtu nuk kuptojne si funksionon YouTube)

    Qellimi i "Arkivashqip" (pronar Aldor Nini) ka qen te "fryhet" para publikut dhe artisteve kinse ka shume klikime, per ti kontrollua  vetem ai Monetizimin (perfitimet nga klikimet) te videove dhe poashtu ti perfitoj klientat e rinj duke u prezantuar kinse ai eshte i vetmi promotor profesional ne mesin e shqiptarve ne YouTube....

    Ne ket menyre duke futur videot e artisteve te ndryshem ne kanalin e tij ai ka demtuar kengetaret e shumte, ne vend se videot te postohen individualisht neper kanalet Official te artisteve ! 

    Ne mesin e atyre videove te pa-autorizuara ne kanalin e Arkivashqip ishin edhe disa vepra artistike te Flori Mumajesit i cili ja denoncoj (me te drejte) dy videot e tij nga kanali "Arkivashqip"!

    Sipas rregullave te YouTubes, cdo kanal ne YouTube i cili posedon tre apo ma shume video pa te drejtat e autorit, i suspendohet kanali! (nuk eshte me randesi a ka pasur ne kanal 1000 apo 5000 video!)

    Ne ket rast Flori Mumajesi nuk i ka demtuar artistet tjere (siq dezinformon Arkivashqip) por ai ka fshire vetem veprat e veta te cilat ishin te postuara pa autorizimin e tij!

    Arkives-shqip eshte hera e trete qe i suspendohet kanali per pirateri ne YouTube, heren e fundit, vitin e kaluar ne Maj 2012 e rrikthej kanalin me force, duke i kercenue me vdekje denoncuesin i cili ja fshiu veprat e veta, e ai ishte boshnjaku Damir Cekic, nga i cili posedojme me shkrim kercenimet qe ju kane ber nga ana e Emracom i cili eshte edhe bashkepuntori me i madhe i Arkivashqip!

    Siq po vertetoheni, mbyllja e kanalit te "Arkivashqip" eshte e meritueshme dhe ne dobi te gjitheve, ne dobi te artisteve, publikut, dhe vet firmes Acromax, sepse ky eshte rasti ideal qe çdo kengtar te ket kanalin e vet personal e jo me hy me nje thes te nje manipuluesi ku gjithemone videot e tyre do mbesin te rrezikuara !

     

    Po kush eshte "Arkivashqip" ?

    Besojme se nje pjese e opinionit e kane te njohur historin e tyre, po ju rikujtojme shkurt edhe njihere.

    Nga viti 2007 deri ne vitin 2010 ne YouTube si promovues i veprave artistike te kengetarve shqiptar dominonte kanali me emrin "chibis007" i produksionin M1. Ky produksion promovonte artistet ne baza vullnetare pa asnje perfitim material edhe pse kishte statusin zyrtar si Partneri i pare shqiptar me YouTuben dhe kishte mundesin e perfitimeve materiale por nuk e shfrytezonte!!!

    Duke e pa rastin dhe mundesin e komercializimit ( monetizimit) ne vitin 2010 firma Acromac GmbH (ateher me emrin Easycom) ne bashkepunim me kompozitorin Enis Presheva, arriten ta suspendojne kanalin "chibis007" te M1 nga YouTube duke denoncue disa video (sikur rasti i fundit i Arkives shqip) dhe ne ket menyre u „avulluan“ (zduken) mbi 3000 video dhe mbi 70 milion klikime ! (Ato klikime ne at kohe kan vleren sa  sot 700 milion!).

    Nga ai moment pronari i firmes Aldor Nini ne bashkepunim me kompozitorin e lartepermendur dhe disa miq te tyre te estrades filluan propaganden kunder M1 duke dezinformue se kinse M1 ka perfituar ne kurriz te tyre, sa per ti pervetsuar per vehtene tyre duke i genjyer se firma e tyre eshte e vetmja qe ka kontrate me Google, ku edhe artistet naiv e analfabet i besonin, edhe pse ajo "kontrat" ishte nje genjeshter e Acromax, pasi qe ajo ishte vetem nje „Accept“  pranim i rregullores qe duhet klikuar kur behesh partner ne YouTube,apo shembull kur hapni nje Email ne Google qe duhet ne fund ta beni Accept (ta pranoni) rregullat e Googles !

    Ajo qe i beri te "famshem" firmen Acromax tek artistete naiv ishte posedimi i „Content ID“ i cili Tools (program ne kuader te YouTubes) i cili i skanon dhe i mbron vet videot nga kopjet e pirateve, dhe ne Search te Googles apo YouTubes i favorizon videot e veta te skanuara, e deri ne keto momente ket „Content-ID“ e posedojne gjashte produksione shqiptare ne Kosove dhe vetem Acromax nga Tirana!)

    Paramendoni as televizionet me renome ne Tirane dhe Kosove nuk e kuptojne sistemin e YouTubes dhe lejojne qe videot e tyre te menaxhohen nga dy mashtruesit me te njohur ne YouTube, ne vend se vet ato te aplikojne per Content ID ne You Tube  dhe perfitimet mos ti ndajne me manipulues!...

    Perveq televizioneve te cilet nuk kuptojne sistemin e YouTubes viktima jane edhe vet artistet videot  e te cileve monetizohen nga Arkivashqip ?

    Pyes kengetaret/ Artistet a kane fituar gje nga klikimet ? JO!

    Mbi 90 % te artisteve ankohen, edhe pse kane shume klikime, e nuk kane marr asnje  Lek nga Aldor Nini !  Jane vetem disa individe te cileve kjo firme Acromax ju paguan cdo muaj, sipas qejfit te vet, sa per ti mashtruar ne vend te bonbonave apo karameleve!

    Kush eshte kjo firme mashtruese Acromax (Arkivashqip) ?

    Ky mashtrues I firmes Acromax permes faqes te tij Arkivashqip ne facebook dezinformon opinionin kinse eshte platforme popullore dhe kinse i ka ndihmuar mbi 600 artisteve !???

    Pse keto dezinformata kur deri me tani nuk i ka cekur, por tek tani kur ju suspendua kanali dhe kerkon te bej presion tek artistet q eta urrejne Florijan Mumajasin !

    Perse nuk e tregon te verteten se vet ai eshte nji kriminel ordiner dhe nje mashtrues dhe pirat profesional ?

    Pse kjo fantom firme nuk posedon asnje webfaqe zyrtare ne Internet me shenime rreth aktiviteteve te tij e cila ka qarkullime milioneshe ne vit permes YouTubes ?

    Pse kjo firme e tij menaxhohet vetem nga nje person me emrin Aldor Nini dhe e fejuara e tij Anxhela Faber, e jo nga gjithe shqiptaret siq potencon ai ne Facebook.....

    Pse kjo firme ka suspenduer me mijera kanale shqiptare ne Youtube pa pasur te drejtat autoriale, me qellim qe te bej monopol vet ne Youtube, dhe nuk jep pergjegjesi ?.

    Pse Aldor Nini ndaj te cilit eshte ngre akuza prane prokurorise ne Tirane deklaron ne Polici se ai nuk eshte pronar i firmes Acromax,  edhe pse ne posedojme regjstrin zyrtar te firmes te tij te regjistruar ne Düren te gjermanis me emrin “Acromax GmbH”!

    Pse ai mashtrues nuk tregon se ka i ka humbur dy gjyqe ne Gjermani ndaj Besfortit per shkelje te drejtave autoriale ?

    Pse ai mashtrues nuk ka cekur se para 3 viteve poashtu ne gjyqin e Frankfurtit ka denoncue Besfortin per videot e kengetares Greta Koci me nenshkrime fallso te cilat i ka ber babai i tij ( i cili ka vdekur vitin  kaluar prej telasheve te birit te tij me Youtube)

    Ka shume per te folur per ket manipulues te "Arkivashqip", por ajo cka duam te ju informojme per momenti eshte se Flori Mumajesi nuk eshte fajtor perse disa video me miliona klikime nuk shifen ne youtube, por faji eshte i vet “Arkivashqip” ii cili me vite miret me pirateri e mashtrime dhe i kengetarve te cilet  ne vend se te hapin kanalet e tyre perosnale, ata I fusin videot e tyre ne kanalin e mashtruesit “Arkivashqip” !

    /Stafi i M1/

     Update 25.11.2013 ora 23.00

    Flori Mumajesi reagon permes Facebookut !

    Përshëndetje të gjithëve ju që po lexoni këtë komunikim...
    Zgjodha këtë formë pasi me duket sikur jam duke folur personalisht me secilin prej jush. 

    Po shkruaj këtë deklaratë aspak I lumtur, në këtë studio ku me shumë lumturi kam regjistruar me qindra zëra të artistëve, ashtu si edhe dy prej miqve-kolegë të mi shumë të njohur, të cilët më dërguan mesazh dhe më kërkuan të komunikoja me ta. 
    Komunikova dhe ndava me ta shqetësimin për situatën e mbjellur në facebook, e-maile dhe telefonata nga persona që normalisht kanë lidhje, në mos drejtpërdrejt, në një formë tjetër të cilën nuk mund t’a përcaktoj, me kanalin Arkiva Shqip. 
    I sqarova miqtë e mi dhe i tregova shkurtimisht situatën e cila atyre, ashtu si edhe juve, i është servirur ndryshe, shumë ndryshe… Totalisht ndryshe nga e vërteta! 

    Drejtësisht dhe me pastërti të kristaltë i informova, gjë të cilën po e bëj edhe me të gjithë ju që po lexoni këtë komunikim timin. Mendoj se meritoni të dini të vërtetën siç është dhe jo siç shtrembërohet nga informacionet që përhap kanali Arkiva Shqip dhe njerëzit pas saj. 

    Që në fëmijëri e kam dashur muzikën si fuqi të mbinatyrshme dhe që nga viti 1998 kam interpretuar këngë, krijuar këngë dhe i kam performuar ato në të gjitha skenat shqip folëse dhe jo vetëm. Janë mbi 300 këngë, vepra të cilat i kam krijuar dhe janë interpretuar saktësisht nga 111 Artistë të ndryshëm dhe për hir të së vërtetës nuk janë pak… Emra të mirënjohur, artistë të mëdhenj e artistë të rinj… 

    Sigurisht janë dashur më shumë se dy apo tre vitet e fundit, kur YouTube u kthye në një fenomen edhe për muzikën shqiptare. Janë thuajse 15 vite gjatë të cilave unë i kam dedikuar jetën time muzikës, dhe do vazhdoj me shpirt sa te jem gjallë. Janë ato vite në të cilat kanali ArkivaShqip nuk ekzistonte e madje as vetë YouTube-i, I cili është shfaqur për herë të parë Online në vitin 2005… Janë ato vite kur muzika e Artistët prezantoheshin në publik nëpërmjet CD-ve, revistave, gazetave, radiove, televizioneve, festivaleve e koncerteve. Janë ato vite kur ne ishim të pa informuar, madje edhe vetë unë deri para katër vitesh, nuk dija se si bëhej Upload (ngarkohej) një videoklip në YouTube dhe i kërkoja ndihmë një mikut tim i cili dinte si veprohej. 

    Jam i sigurtë se shumë interpretues, diskografë, manaxherë dhe autorë kanë bërë njësoj si unë. Normale… Ishte dhe akoma është një gjuhë të cilën ne nuk e njohim edhe aq mirë. E megjithatë, fatmirësisht apo fatkeqësisht, ka pasur dhe ka akoma plot njerëz që njohin mirë YouTube-in, disa sepse kanë jetuar jashtë dhe janë prezantuar me këto forma të reja shumë më pare se ne, dhe disa të tjerë thjesht sepse këtë aftësi e gëzojnë natyrshëm. Disa janë miq e na ndihmojnë, disa të tjerë mund edhe të abuzojnë me këto njohuri për të cilat shumë interpretues, diskografë, manaxherë dhe autorë, nuk kanë asnjë informacion edhe sot e kësaj dite…

    Drejtuar të gjithë atyre që dëgjojnë muzikë, e duan muzikën, prodhojnë, interpretojnë dhe investojnë për muzikën, në muzikë:

    Unë Florjan Mumajesi, nuk kam asgjë personale me askënd, me asnjë artist, autor, intepretues, prodhues, nuk kam dhe nuk kam pasur kurrë asnjë problem konkurence, pasi mendoj se secili ka vëndin e tij në publik, si dhe nuk kam dhe nuk kam pasur asnjëherë asnjë qëllim dashakeqës ndaj dikujt! Veprimet e mia kundrejt kanalit Arkiva Shqip janë bërë vetëm për të mbrojtur të drejtat e mia autoriale, pasi ky kanal i kishte shkelur këto të drejta dhe qëllimi nuk është dëmtimi i artistëve të tjerë. Përndryshe, nuk do të krijoja mbi 300 këngë të cilat edhe pse nuk këndohen nga unë, në çdo notë kanë ndjesi, energji, emocion dhe sa herë dëgjohen të interpretuara nga çdo këngëtar, bashkë me zërin dhe këngën dëgjohet një pjesë nga shpirti im dhe si të tilla çdo këngë e krijuar nga unë është e shtrenjtë për mua sikurse fëmja kur lind. Nuk do të mundja kurrë t’a mbysja me duart e mia, nuk do t’a vrisja kurrë një krijesë timen! 

    Prandaj prej më shumë se dy vitesh, sa herë takohesha me Avokatin Z. Arben Hoxha, i cili ishte ndërmjetësi për marrëdhënien time me Acromax dhe njëkohësisht përfaqësuesi im ligjor, i shprehja shqetësimin tim për disa publikime të pa autorizuara nga unë në kanalin Arkiva Shqip. Madje këto komunikime janë bërë përpara se unë të lidhja kontratë me kompaninë Acromax, kompani e cila në një nga pikat e kontratës merrte përsipër të më mbronte pikërisht nga këto publikime të pa autorizuara. E kam shprehur shpesh shqetësimin tim sa herë bënim takime pune, pasi personalisht publikimi i këtyre këngëve pa autorizimin tim, më dukej më tepër një veprim pirat se sa një veprim ku janë ndjekur të gjitha procedurat e nevojshme.

    Z. Aldor Nini, Administratori i kompanisë Acromax, është vënë në dijeni të plotë asokohe nga Avokati Arben Hoxha, por gjithashtu edhe nga unë personalisht (në ato pak herë që jemi takuar kohëve të fundit) dhe kemi rënë dakort që t’i dërgoja me e-mail linqet me këngët, pasi ai nuk e dinte për cilat linqe bëhej fjalë dhe u shpreh se fatkeqësisht nuk njihte këngët krijuar nga unë. Dhe unë ashtu bëra. Një muaj më parë i dërgova e-mailin me informacionin mbi linqet siç kishim rënë dakort. Mbasi i dërgova linqet, prisja që kompania Acromax të merrte të gjithë masat e nevojshme dhe procedurat ligjore, që siguronin të drejtat e mia. Fatkeqësisht, kjo kompani nuk mori asnjë masë efektive në lidhje me këto kërkesa.

    Kjo pjesë më poshtë është për të gjithë ata të cilëve u është komunikuar me sms apo telefon se Flori Mumajesi u ka bllokuar videon apo “Cfare ka Flori me ty se të ka bllokuar videon”, nga njerëz të Arkiva Shqip. Me transparencën më të madhe dhe shumë sinqerisht po ju them se dy këngët për të cilat unë kam reaguar janë (“Qaj” – Capital T feat 2PO2 dhe “I wanna bring It up” (Dancehall) – Elvana Gjata). Për këto dy vepra muzikore, shoqëria Acromax nuk i ka zbatuar detyrimet e saj ndaj meje. Për rrjedhojë, unë isha i legjitimuar të veproja duke ndjekur procedurën ligjore në YouTube. Këto janë të vetmet materiale për të cilat unë me te drejtën time dhe pa cënuar askënd, kam reaguar. Pra, Arkiva Shqip nuk është mbyllur nga unë, pasi kanali nuk mund të mbyllet vetëm me dy pretendimet e mia!
    Të gjithë artistët, kompozitorët, manaxherët, diskografët dhe intepretuesit që kanë marrë mesazhe se Flori u ka bllokuar këngët e tyre në YouTube, kanë të drejtën morale dhe ligjore ti kërkojnë atyre personave që t’ju dërgojnë provat që Flori u ka bllokur këngët. Vetëm atëherë do të kuptoni se e gjithë kjo histori është një mashtrim, spekullim ndaj meje dhe manipulim që po bëhet me ju.
    Mos bini pre e fjalëve dhe keqinformimit nga persona që ndoshta kanë lidhje ose përfaqësojnë kanalin Arkiva Shqip dhe në mënyrën më absolute mos u përfshini në situata që publikisht dhe ligjërisht mund të rezultojnë fatale për të gjithë ata që ndikohen dhe marrin përsipër peshën e çdo veprimi jashtë kompetencave ligjore. Të jeni të sigurtë se janë marrë të gjitha masat për çdo provë dhe situatë të padëshirueshme. E përsëris edhe një herë, se kanalin Arkiva Shqip nuk e kam mbyllur unë, sepse nëse do të kisha dashur t’a mbyllja nuk do të bëja kërkesë për vetëm dy vepra, por për më tepër se 20 të tilla, të cilat kanë me shumë se një vit që janë të publikuara në kanalin Arkiva Shqip. Nëse kanali Arkiva Shqip ka bërë shkelje të tjera, me autorë të tjerë, është problem i këtij kanali dhe marrëdhënieve që ky kanal ndërton (duke i shkelur) me interpretues, diskografë, manaxherë dhe autorë. Të drejtat tuaja (ashtu sikurse edhe unë) duhet t’i kërkoni tek personat që ju kanë siguruar, ndihmuar apo garantuar publikimin në atë kanal, si dhe tek vetë ky kanal, pasi ata kane pergjegjesi morale dhe ligjore ndaj jush. 

    Theksoj se kanali Arkiva Shqip e ka pasur dhe e ka ende mundësinë për t’i zgjidhur të gjitha situatat me ju e gjithashtu edhe me mua, ndaj e ftoj pronarin e kanalit Arkiva Shqip në platformën YouTube të jetë më korrekt dhe të shfaqet publikisht për të na informuar mbi shkeljet ose jo që ai ka kryer nëpërmjet kanalit të tij.

    Muzika I përket atyre që e duan, degjojnë, e kanë në gjak dhe jetojnë me të… 
    Por do të mbetet gjithmonë, e atyre që e krijojnë…

    Fenomene si ky i fundit, janë thjesht kalimtare, ashtu sikurse një pjesë e madhe e botës I ka kaluar përpara nesh…

    Për të gjithë kolegët, miqtë dhe ata që duan muzikën Shqiptare.
    Flori Mumajesi

     

     

    Read more »
  • Acromax-it i konfirmohet dënimi prej 250.000 euro dhe i suspendohet kanali Arkivashqip në YouTube!

    Mediumet shqip rreth mashtrimeve te firmes Acromax GmbH Arlivashqip dhe Aldor Ninit:

    Gazeta ZERI:

    Acromax-it i konfirmohet dënimi prej 250.000 euro dhe i suspendohet kanali Arkivashqip në YouTube!

    Beteja gjyqësore mes Besfort Hasanajt dhe Aldor Ninit ka marrë epilogun përfundimtar. Në të vërtetë, Besforti ka fituar edhe gjyqin e tretë me radhë kundër Aldor Ninit dhe kompanisë së tij Acromax (Arkivashqip), që ka të bëj për drejtat autoriale.

    Gjykata e lartë Kelnit për herë të dytë ka refuzuar ankesën e Aldor Ninit dhe i konfirmohet dënimi prej 250.000 eurove dhe gjithashtu duhet t’i paguaj komplet shpenzimet e gjyqit.

    Pikërisht për shkak të këtij vendimi, Aldorit i është suspenduar edhe kanali Arkivashqip në YouTube. Besforti dhe Aldori tashmë një kohë të gjatë janë në konflikt gjyqësor mes veti, ndërsa ky vendim i fundit mund të konsiderohet si hakmarrje nga ana e Besfortit kundër Aldorit, pasi ky i fundit në të kaluarën pa asnjë arsye i ka suspenduar shumë kanale në Youtube dhe të cilat i menaxhonte ‘Besfort Video M1’, si dhe disa kanale tjera të televizioneve, duke përfshirë kanalin Rinon të RTK-s dhe Vikendi po ashtu të RTK-s, si dhe kanalin e FC Prishtina në futboll.

    (Vendimi gjyqesor ku i rrefuzohet ankesa e Aldor Ninit Acromax)

    Z. Hasanaj është shprehur i kënaqur me këtë vendim. “Jam shumë i kënaqur që më në fund drejtësia po funksionon. Aldor Nini për 4 vite me radhë na ka dëmtuar neve personalisht, pastaj ka mashtruar artistët, kompozitorët, producentë, duke i vjedhur veprat artistike të artisteve dhe duke u bërë milioner në YouTube, pa e dëmshpërblyer askënd! Ai ka përdor një ‘Tools’ që quhet Content ID i cili ia mundëson të manipuloj dhe mos të ketë përgjegjësi fare. Po ashtu, ai deri tani për katër vite i ikte gjyqit me një trik të thjeshtë, duke na suspenduar kanalet në YouTube me denoncime false nën betim e që YouTube në këso raste i beson pa verifikuar fare arsyen! Këtë radhë ai nuk mundi t’i ik përgjegjësisë dhe ma në fund mori dënimin e merituar”, është shprehur z.Hasani.

    Sipas informatave, Aldor Nini përballet edhe me disa akuza tjera në Tiranë nga shumë artistë, duke përfshirë Flori Mumajesin, motrat Koci, nga avokati i shoqatës së të drejtave autoriale Eduard Budi dhe disa artistë tjerë të rinj. Ata e akuzojnë për ndërhyrje kompjuteristike në Internet dhe për mos pagesë të qindra mijëra eurove, edhe pse vlerësohet se ai gjatë një viti fiton rreth 2 milionë eurove nga You Tube nga reklamat.

    /Zëri/

     

     Gazeta "Tribuna"

    Gjykata e Kelnit gjobit ‘Acromax’ me 250 mijë euro

    Nga: Nita Brisku

    Siç duket sherrit në mes kanalit muzikorë ‘Besfort Video M1’ në krye me Besfort Hasanaj dhe ‘Akromax’ (Arkiva Shqip) e cila është nën udhëheqje të Aldor Ninit, po i vjen fundi.

    Kjo pasi që është bërë e ditur se ky i fundit është dënuar me 250 mijë euro, bashkë me shpenzimet e gjykimit. E për një fakt të tillë, triumfuesi i këtij gjykimi Besfort Hasanaj, për gazetën Tribuna është shprehur i kënaqur.

    “Normal që ndihem mirë, por jo shumë i gëzuar! Ka shumë borxhe të palara ai hajdut! Ky është vetëm fillimi i fundit të atij mashtruesi, dhe një fillim i mbarë për gjithë artistet shqiptar!”, ka thënë Besforti në fillim të bisedës....(më gjerësisht në gazetën Tribuna).

     

     

    Read more »
RSS